યુવાનો દેશના વિકાસ અને ભવિષ્યની મહત્વપૂર્ણ શક્તિ – વડાપ્રધાન નરેન્દ્ર મોદી

યુવાનો દેશના વિકાસ અને ભવિષ્યની મહત્વપૂર્ણ શક્તિ – વડાપ્રધાન નરેન્દ્ર મોદી

નવી દિલ્હી। વડાપ્રધાન નરેન્દ્ર મોદીએ 15 ઓગસ્ટ, 2026ના રોજ લાલ કિલ્લા પરથી આશરે 75 મિનિટનું સંબોધન કર્યું હતું. તેમના સંબોધનમાં દેશના વિકાસ અને ભવિષ્યની દિશા પર વિશેષ ભાર મૂકવામાં આવ્યો હતો. ભાષણની વિશેષતા યુવાનો પર આપવામાં આવેલો ભાર રહ્યો. વડાપ્રધાને યુવાનોને દેશના વિકાસ અને ભવિષ્યની મહત્વપૂર્ણ શક્તિ ગણાવીને જનગણનામાં સક્રિય ભાગીદારી સાથે શિક્ષણ, કૌશલ્ય, રોજગાર, રમતગમત અને રાષ્ટ્રીય નિર્માણ જેવા ક્ષેત્રોમાં આગળ આવવા આહ્વાન કર્યું હતું.
વડાપ્રધાને વિકસિત ભારત@2047, આત્મનિર્ભરતા, યુવા શક્તિ, રાષ્ટ્રીય સુરક્ષા, ઊર્જા, ટેક્નોલોજી અને રમતગમત જેવા મુદ્દાઓ પર પણ ભાર મૂક્યો હતો. તેમણે ભારતને ભવિષ્યની એક મોટી વૈશ્વિક શક્તિ બનાવવાનો સંકલ્પ પુનરોચ્ચાર કર્યો અને ખાસ કરીને યુવાનોને રાષ્ટ્રનિર્માણમાં સક્રિય ભૂમિકા ભજવવા આહ્વાન કર્યું હતું.

અમરેલીમાં ભવ્ય રીતે ઉજવાયો ગુજરાતનો 80મો રાજ્યકક્ષાનો સ્વાતંત્ર્ય દિવસ

ગાંધીનગર। અમરેલી ખાતે 15 ઓગસ્ટે ગુજરાતનો 80મો રાજ્યકક્ષાનો સ્વાતંત્ર્ય દિવસ સમારોહ ભવ્ય રીતે યોજાયો હતો. સમારોહ દરમિયાન મુખ્યમંત્રી ભૂપેન્દ્ર પટેલે રાષ્ટ્રધ્વજ ફરકાવ્યો હતો અને પરેડની સલામી લીધી હતી. વિવિધ સુરક્ષા દળોની ટુકડીઓએ શાનદાર માર્ચપાસ્ટ રજૂ કર્યો હતો.
સમારોહમાં દેશભક્તિ અને ગુજરાતની કલા, સંસ્કૃતિ તથા વારસાને ઉજાગર કરતી વિવિધ સાંસ્કૃતિક રજૂઆતો આકર્ષણનું કેન્દ્ર બની હતી. કાર્યક્રમ દરમિયાન અમરેલી જિલ્લાના સર્વાંગી વિકાસ માટે 66 જેટલા વિકાસલક્ષી પ્રોજેક્ટ્સ માટે આશરે રૂ. 403.21 કરોડના વિકાસ પેકેજની જાહેરાત કરવામાં આવી હતી.
સમગ્ર કાર્યક્રમ દરમિયાન દેશભક્તિ, ગુજરાતની સાંસ્કૃતિક વિરાસત અને રાજ્યના વિકાસ પ્રત્યેની પ્રતિબદ્ધતાનો સંદેશ પ્રબળ રીતે જોવા મળ્યો હતો.